اهــلا وسهلا بك فى شـات اسـ ـير الغـرام و منتديات دريــــــ 2 ـــــــم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ديرن عليهم طار ..

اذهب الى الأسفل

ديرن عليهم طار .. Empty ديرن عليهم طار ..

مُساهمة من طرف لولا الأربعاء ديسمبر 10, 2008 10:37 pm

ديرن عليهم طار ..
إعزاز اغتنوا بالغير ..
يا لنظار حتمت ياسم

ديرن ابكا ونديب
وحزن كان عديتن الحزن ايجيب
حتمت ياس من جرحه شقاه صعيب
ان فات فيه ماعنده دواء يذكار
خطاه من اذراعي نين قند ربيب
ما بالجبيرة لايمة جبار

سيلن نهار وليل

مع دمع ساكب من المواقي سيل
عدو من يقوللكن الصبر جميل
وهو عالكدر للقلب فيه اضرار
وراه ما يحس ابحرق واتبهديل
إلا من وطا حفيان فوق النار
وراكب يقول الغب بلا تعطيل
اخطيه التعب من طولة المشوار
وسامع مثل في وقت ماضي قيل
ساهل يقول الحرب ع النظار
واللي مش فيك واعرة بالحيل
اتقول باردة مالك ابها اعتبار
ادبارة اتهون فقد فوز الجيل
مابت اتصيب العقل من دبار
لياس بوجبين ابيض ودور طويل
ديرن مسيرة رفض واستنكار

ديرن عليه مسيرة
تعبر علي الحزان وتكديره
وديرن وراه اعياط وتثغبيره
عزا فيه مالعزية اللي تندار
ولا من يصبرتسمعن تصبيره
ارخنه علي جنب الطريق ايسار
صحيح من يخفف في كواين غيره
يقول في البلاء والهول ما نحتار
امغير كاينة فرقة عزيز كبيرة
وباقي الكواين والهموم اصغار

شيلن الصوت العالي
وسيلن بلا غيبه امدد واجالي
جفاني عزيز عزيلته من مالي
عزل رق عزم العقل نين انهار
للحيط لوشكيت بما حصل وبحالي
ان يفزع امعاي ابدمعته ذرذار
انريدكن تهيلنه ايفضي بالي
المولى عطاكن دمع فيه احرار
اشالن عزا فاللي زحا فالتالي
واغير الدار ودار غيري جار
ولا تقبلن كلمة عزا من والي
ولا تسمعن تصبير من صبار


شاركن في غبني
إسكاتكن علي ما صار موعاجبني
اشالن شكيتلكن ابمو صايبني
انهالن امعاي ابدمع ليل نهار
فارقت ناس افراقهم عذبني
اورا الصبر كايدني علي ما صار
عليهم غلب والله الصوب غلبني
غلاهم وغنواهم وموح الدار
اشقيت وشقاي ابشوقهم شيبني
جريت نين شربني الشوق امرار
وزادني خطاهم شالني وعطبني
وخرب قرار العقل راح دمار

كتب الله خطاهم
جفوني ونا نجهل اسباب جفاهم
اكفانا بعد كانون نار غلاهم
الكابر كفى عالكبد كان انكار
وهزت كياني كاينة فرقاهم
ونا عالكواين قبلها صبار
ابكاي من الكدر كدر كفر بكاهم
بكو البكيتي كبو ادموع اكبار

اجرن علي ترتيبه
عزا اعزاز واشقن بطار نديبه
والهازي ارخنه عاليسار سريبه
اللي قبل مامرن عليه اقهار
والشامت يراجي في الحياه نصيبه
تلحق علي اللي في سماها طار
ولاتيسن رحمة الله قريبه
ايام ياسم يمكن تكون اقصار

شينك دوه
خطا بوجبين تقول بارق ضوا
جميل نحسبه منكن وباب امروة
انقمتن عليه الحزن باستمرار
ونلامكن اللي مسع غوي لاغوا
ردن علي ما قال باختصار
قولن انقال عزيز راح ابسوه
قولة العزيز بار ع الصحار
وراجن وعازن ياك يبطل نوا
ياسه يزول وينتهى الجضار
كيف ما يعازي فالعرب لا توا
سامر نهار وليل بومنيار
وكيف ما تحمل فوق شافة هوا
قضى وقت ماضي في تعب وخطار
ومده الله بعون سقم جوا
وحقق احلام تكيد في الفسار
وصلح جميع ابلادنا من جوا
وناوي يوحد للعرب قطار
وثاني كنس ما عقب جيوش عدوه
وسمى جلاهم يوم عيد الثار
عليده يتم النصر لو بالقوة
ابجاه ربنا عالم بكل اسرار
ونا طول مولاة الضمير الضوا
ونقول طز في ريقن في الحصار

منقول للشاعر عبدالسلام بوجلاوي

لولا
عضو مبتدء
عضو مبتدء

انثى
عدد الرسائل : 20
العمر : 36
عارضة الطاقة :
ديرن عليهم طار .. Left_bar_bleue50 / 10050 / 100ديرن عليهم طار .. Right_bar_bleue

احترام قوانين المنتدى :
ديرن عليهم طار .. Left_bar_bleue100 / 100100 / 100ديرن عليهم طار .. Right_bar_bleue

نقاط دريم : 11186
تاريخ التسجيل : 04/12/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى