ازاي تخنقي اخوكي الكبير (للبنات بس)؟؟؟

من طرف **المجروحه** الأحد نوفمبر 16, 2008 7:57 pm

[center]إزاي تخنقى اخوكى الكبير

لأى بنت مقهوره
وعايزة تنتقم من أخوها وترفع ضغطه

لو فى مبارة فى التلفزيون

لو فى مباراة والأخ متحمس أقطعى الحماس ده
ازاى
أنا اقولك
استنى لحد ما يندمج اوى مع المباراة
وهتعرفى أنه اندمج لما تلاقى عنيه مفتوحين على الااااخر
ومش همك حد يعنى ممكن تجيبى صاروخ تفجريه
جنبه ولا تلتفتى

هنا بقى قومى بشغلك
روحى جيبى قطعه قماش وبخاخ التنظيف
واقفى عند التلفزيون وامسحى الشاشه
واذا قال ابعدى
قوليله أنا مش فاضيالك أنا بنضف وبمسح
وبعدين روحى جيبى المكنسة واكنسى المكان اللى هو فيه
وحاولى كل شوية تكنسى قدام التلفزيون
يعنى لا صوت ولا صورة
وغطى عليه ولا يهمك
ولوقال ابعدى وحسيتى أنه هيحدفك بحاجة
قولى يعنى اسيب البيت كده والضيوف جايين في السكة

وبعد كده اعملى انك نسيتى الكيك فى الفرن
ودوسى على رجليه واجرى وماتبصيش وراكى

عند النوم

لما تحسى انه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغير
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله

اوتعالى وهو فى سابع نومه واخبطيه
الخبطه اللى يصحى مايحسش
بنفسه الا وهو قاعد
وبكل برود قولى عاوزين نخرج

ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واضحكى على شكله وعلى شعره وقعدته وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
استعملى مفتاح اوضتك واقفلى على نفسك

وقت المعركه

ولو طقت فى دماغك وحبيتى انك تقومى
بمعركة انتى وهو
لازم تجهزى نفسك من كل ناحية

1- اللبس: لازم تلبسى تريننج علشان يسهل الجرى

2- شعرك: لازم تلميه وتعملى حفلة ايشاربات فى راسك
وانتبهى ولا خصلة تنزل من شعرك
واليوم ده ياريت تكونى حاطة حنة على راسك
علشان مايتجرئش يلمس شعرك

3- مفتاح الاوضة: لإن الإحتياط واجب

اذا بدأت المعركة اوعى تبينى انك خايفة
وأول ما ايده تطول
اوعى تستسلمى واديله
طراااااااااااااااااخ
بالبوكس فى عينه علشان مايشفش ادامة
وحطى رجلك ادامة

وعلى طووووووووول
على اوضتك اللى مجهزة مفتاحها قبل كده
بس نصيحة اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الظهر

lol!

ملحوظة: أنا مش مسئولة عن أى أضرار

[/center]

من طرف **the crow** الإثنين نوفمبر 17, 2008 1:25 am

ليه كدة وانا الى بقول ان مواضيعك حلوة انتى كدة هطفشى الزوار هههههههههه

بس الحمد لله ان انا مش الكبير
بس مشكورة كفاية انها منك لو حد تانى كان كتبها كنت مسحت الموضوع دة

ازاي تخنقي اخوكي الكبير (للبنات بس)؟؟؟

ازاي تخنقي اخوكي الكبير (للبنات بس)؟؟؟

من حمووووووووو